07:49
DUNIA haina huruma! Siku mbili baada ya kumzika mumewe ambaye alikuwa bilionea maarufu Dar, Amir Tabu, mjane wake, Mwanahamis Rajab ameingia kwenye tafrani kubwa na mashemeji zake kisa, mali za marehemu huku
akitimuliwa kwenye nyumba aliyokuwa akiishi na mumewe.
Mjane, Mwanahamis Rajab alipokuwa na mume wake wakati wa harusi yao, Amir Tabu.
Tukio hilo la kusikitisha lililoshuhudiwa na wanahabari wetu lilijiri mapema wiki hii nyumbani kwa mjane huyo, Mbezi-Beach, Dar ambapo kulikuwa na kikao cha familia, yaani upande wa mume na mke.
Gazeti hili lilijipenyeza ‘kikachero’ kwenye kikao hicho na kushuhudia mzozo mkubwa kwa upande wa ndugu wa mume wakimtaka mfiwa atoke kwenye nyumba aliyokuwa akiishi na kumtaka kwenda kukaa kwenye nyumba yao nyingine iliyopo Bagamoyo, jambo ambalo lilipingwa vikali na upande wa pili hivyo kuzuka malumbano mazito hadi kikao kuvunjika.
Mjane (mwenye vazi jeupe) akiwa karibu na babu yake.
MJANE ANENA
Akizungumza na wanahabari wetu, mjane Mwanahamis alielezea mkasa mzima namna ambavyo ndugu wa mumewe walivyojiandaa kumdhulumu mali alizochuma na mumewe.
Akizungumza na wanahabari wetu, mjane Mwanahamis alielezea mkasa mzima namna ambavyo ndugu wa mumewe walivyojiandaa kumdhulumu mali alizochuma na mumewe.
Alisimulia kwa uchungu: “Mimi na Tabu tulifunga ndoa halali mwaka 2005. Nakaribia miaka 10 sasa katika ndoa yangu japo sikubahatika kupata mtoto lakini nilimkuta mume wangu akiwa na watoto 6.
“Watoto watatu alizaa akiwa kwenye ndoa nyingine na watoto wengine alizaa nje ya ndoa.
“Watoto watatu alizaa akiwa kwenye ndoa nyingine na watoto wengine alizaa nje ya ndoa.
Ndugu wa mjane wakiwa naye nyumbani kwake.
“Kwangu, nahesabu watoto wote ni wangu. Hadi tunafikia kwenye haya maisha nimepitia magumu mengi kipindi chote hadi umauti unamkuta mume wangu. “Watoto wake wamekuwa wakiniheshimu kama mama yao, nimemuuguza mume wangu kwa zaidi ya miaka 4 tangu 2010.
“Katika kipindi chote hicho sikuwaona ndugu, walianza kuja baada kuona hali ya mume wangu imekuwa mbaya.“Matatizo ya mume wangu yalianza akiwa kazini kwenye Kampuni ya Toyota. Alikuwa akisumbuliwa na presha ya macho, kisukari na kufeli kwa figo zote.
“Wakati umauti unamkuta, tulikuwa Bagamoyo kwenye nyumba yetu nyingine, huko ndiko chokochoko za dhuluma zilionekana mapema tangu mwanzo kwani ndugu wa mume wangu walikuwa wananizuia kumuona hata mume wangu.
...Hili ni ghorofa la bilionea huyo.
“Waliniwekea masharti utadhani hakuwa mume wangu, niliumia sana.
“Siku moja shemeji yangu mmoja aliniomba aone hati zote za magari ya kisasa, majumba ya kifahari, hoteli, viwanja, bastola, kadi za benki, leseni ya gereji yake iliyopo Magomeni (Dar) na hati ya Hoteli ya Blue Nile iliyopo Bagamoyo.
“Siku moja shemeji yangu mmoja aliniomba aone hati zote za magari ya kisasa, majumba ya kifahari, hoteli, viwanja, bastola, kadi za benki, leseni ya gereji yake iliyopo Magomeni (Dar) na hati ya Hoteli ya Blue Nile iliyopo Bagamoyo.
...Hili ni moja kati ya magari wanayomiliki.
“Mali zote za marehemu nilikuwa nasimamia mimi. Kulipia ada za watoto shule na matibabu ya mume wangu ila shemeji alivichukua na kukaa navyo, sikujua anataka kufanya nini nashindwa kumwelewa mbona kabla hawakujionesha?“Nitapigania jasho langu na mume wangu hadi tone la mwisho kwani wanataka kunitoa roho kwa presha.”
Marehemu na mkewe (mjane) wakiwa ni wenye furaha enzi za wake.
MAJIRANI WALAANI
Wakizungumza na gazeti hili, majirani wa mjane huyo walilaani vikali kitendo cha ndugu hao wa mume kufanya ukatili huo ambao haukubaliki kwenye jamii.
Wakizungumza na gazeti hili, majirani wa mjane huyo walilaani vikali kitendo cha ndugu hao wa mume kufanya ukatili huo ambao haukubaliki kwenye jamii.
AFISA MTENDAJI
Akizungumzia ishu hiyo, Afisa Mtendaji wa Kata ya Kawe, Mbezi-Beach B, Hamatton Bhao alisema alipokea malalamiko ya mjane huyo ambapo mdogo wa mjane alimueleza kuhusiana na sakata hilo la ndugu wa mume kutaka kumtoa mjane ndani ya nyumba yake ikiwa ni siku mbili tu tangu amzike mumewe.
Akizungumzia ishu hiyo, Afisa Mtendaji wa Kata ya Kawe, Mbezi-Beach B, Hamatton Bhao alisema alipokea malalamiko ya mjane huyo ambapo mdogo wa mjane alimueleza kuhusiana na sakata hilo la ndugu wa mume kutaka kumtoa mjane ndani ya nyumba yake ikiwa ni siku mbili tu tangu amzike mumewe.
Alisema mjane huyo alikuwa akilalamika kudhulumiwa mali alizochuma na mumewe ndipo alipotoa taarifa Kituo cha Polisi cha Kawe baada ya wanadugu wa mume kufika nyumbani kwa mfiwa na kufanya vurugu ambapo polisi walipofika wanandugu walikuwa wameshatimua.
Hata hivyo, polisi waliweka ulinzi wa askari wakiwa na difenda wakiendelea na uchunguzi wa sakata hilo.
Hata hivyo, polisi waliweka ulinzi wa askari wakiwa na difenda wakiendelea na uchunguzi wa sakata hilo.
